ILUSTRES PATILLUDOS - CD 'Chigrebilly'

Los auténticos y xenuinos reis del chigrebilly asoleyen por fin el so primer álbum. Trátase d'un bon discu de rock con delles influencies que van del folk al punk, too ello con marcáu tastu asturianu. Porque los Ilustres Patilludos suenen penriba de too a chigrebilly, esi xéneru que ta a mediu camín ente'l rocanrol clásicu y el punk macarra y que reivindica l'asturianía como parte esencia de tou esti amiestu.